‘દિલજલે’ (ગુજરાતી વાર્તા, ભાગ-૨)

નામોશીભરી હારથી સૂરજ ઘણો ગુસ્સો થયો..એણે ‘ઉલ્કા’ ગૅંગને ધરતીની સોપારી આપી. આખી ગૅંગ તૂટી પડી ધરતી પર.
ધરતી એકલે હાથે ઝઝૂમી, લગભગ આખી ગૅંગને સળગાવી મારી, પણ..પોતાના સંતાનોને ના બચાવી શકી..ધરતી-મેઘનો આખો પરીવાર તહેસ-નહેસ..

બહું રડ્યા બન્ને..વર્ષો સુધી..અપાર વેદના..ભગવાનથી પણ આ જોવાયું નહીં.. એટલે એમને ધરતીને વરદાન આપ્યું કે જ્યારે જ્યારે મેઘ એને મળવા આવશે ત્યારે ત્યારે એમને વાદળોનું કવચ મળશે જેથી સૂરજ એમનો પ્રણય જોઈ ના શકે અને કદાચ, એની આગ શાંત પડે..

આટલી કરુણ સ્થિતિથી હેમ અને ચંદુ પણ ધરતી-મેઘના પક્ષમાં જ આવી ગયા..! ફરીથી ધરતી-મેઘના બચ્ચા થયાં..આ બચ્ચા જુંદા હતાં પહેલાં કરતાં..સમજદાર..કદમાં નાના..(હા..એ જ…cute!)

હવે જ્યારે જ્યારે મેઘ ધરતી નું મિલન થાય ત્યારે વાદળોનું કવચ આવી જાય..આ જોઇને સૂરજ ઘણો confuse થાય..સાલું! આ શું?
કેટલીક વાર કવચની ખામીને કારણે સૂરજ મેઘ ને ધરતી નો પ્રણય જોઈ લેતો..છૂપો છૂપો! આ જોઈને ધરતીના છોકરા સૂરજને ચીઢવતાં…નાગો સૂરજ ! નાગો સૂરજ! આથી સૂરજ ઘણો અકળાતો!…આ જરી અમથાં કદના, બચ્ચા મને કંઈ કહી જાય!
પણ શું કરે! હવે બાજી હાથમાં નહોતી!..ના હિમ ના ચંદુ..કોઈ સાથે નહી!

સૂરજે ફરી ચાલાકી વાપરી..ધીરે ધીરે ધરતીના સમજદાર બચ્ચાંઓને ગીફ્ટ્સ આપવા માંડ્યો..ઉર્જા, light, અને vitamin D જેવી કેટલીય વસ્તું આપતો..આ જોઈને ‘સમજદાર’ છોકરા, ‘સ્વાર્થી’ થવા લાગ્યા…

મા-બાપ ના ઉપકારો ભૂલીને સૂરજની help કરવા લાગ્યા..સૂરજે પહેલા તો હોશીયારીથી ધરતીનું શસ્ત્ર(O3 Layer) ભંગાવી નાંખ્યું કે જેનાથી એ એકલે હાથે ઉલ્કાઓ સામે ઝઝૂમી’તી!

સૂરજે બચ્ચાંને ચઢાવ્યા..અને જ્યારે જ્યારે એ મેઘ અને ધરતીનો પ્રણય જુએ ત્યારે ‘નાગો વરસાદ’ ‘નાગો વરસાદ’ કહેવડાવતો! આથી મેઘને ય ઘણી શરમ આવતી..અને એને ધરતી સાથેની મુલાકતો ઘટાડી નાંખી!

ધીરે ધીરે પોતાના દોસ્તમાંથી દુશ્મન બનેલા હીમનો નાશ પણ ધરતીનાં બચ્ચાઓ પાસે જ કરાવ્યો! અને હવે એ પોતાન જીવનનું સૌથી મોટું કામ, ધરતીની હત્યા, પણ એમની પાસેથી જ કરાવી રહ્યો છે!

અને સ્વાર્થી બચ્ચા..હદ વટાવીને મા-બાપના નાશમાં લાગી ગયા છે! પણ એ સમજતાં નથી કે જો માં જશે તો પોતે પણ નાશ થઈ જશે..
સૂરજ તો એનું કામ થશે એટલે હાથ ઉંચા કરી દેશે..!

(માં ને બચાવો! GO GREEN!)

-આદિત

‘દિલજલે’ (ગુજરાતી વાર્તા, ભાગ-૧)

(Inspiration: આજે લગભગ ૨ મહિના પછી અહીં બૉસ્ટન (Boston, MA-USA) માં તાપમાન ૦c ની ઉપર ગયું..બરફના ઢગલા પીગળ્યા અને બધે પાણી પાણી..તો મને થયું..”આજે સૂરજ અને બરફે ભેગા મળીને ધરતીને છેતરી! ધરતીને તો એવું જ લાગ્યું હશેને કે વરસાદ પડ્યો!” અને આ આખી વાર્તા મનમાં સ્ફૂરી ગઈ!..આને Science Fiction કહેવાય કે નહીં એ નથી જાણતો..પણ દરેક પાત્ર scientific & almost real છે…!)

મેઘ અને હિમ બે ભાઈઓ. વર્ષાના દિકરા. મેઘવર્ષા, હિમવર્ષા.(હા, બન્નેએ સંજય લીલા ભણસાલીની જેમ ‘મા’નું નામ પાછળ લગાવ્યું’તુ!) બન્ને અવાર-નવાર ધરતીને મળવા જાય! ત્રણેય ખાસ મિત્રો ય ખરા..

મેઘ અને ધરતી પ્રેમમાં પડ્યા! આ વાતની જાણ હિમને થઈ, ખુશ થયો પણ એના મનમાંય ક્યાંક ધરતી માટે પ્રેમ તો હતો જ એટલે એને ઇર્ષ્યા આવી. પણ પોતાના ખાસ મિત્રોને ખુશ જોઈ એ બધું દુઃખ ગળી ગયો!
મેઘ ને ધરતીનો સંસાર સુખેથી ચાલ્યો. એમના બચ્ચા થયા. થોડા મા પર ગયા એ ધરતી સાથે રહેતા, જે બાપ પર ગયા એ દરિયામાં!

આ બાજું સૂરજ બધું ચૂપચાપ જોતો’તો! એ તો પ્રેમની આગમાં વર્ષોથી બળતો’તો! એ વિચારે એના લીધે ધરતી ને મેઘ મળ્યા
અને એ તો ધરતીનો બચપણનો મિત્ર..તો ય મેઘ બાજી મારી ગયો!
શું કરે?!..દૂર બેઠા બેઠા બળવા સિવાય! મેઘ અને ધરતીના સંબંધ તોડાવવા, ધરતીને બદનામ કરવાની યુક્તિ-પ્રયુક્તિઓ રચ્યા કરે, પણ દૂરથી કઈ implement ના કરાય!

સૂરજને હિમના મનની વાતની ખબર હતી અને પોતાની બાજીના મોહરા તરીકે એને ઉપયોગ કરવાની યોજના ઘડી!
મેઘ આ વખતે ધરતીને ખુશ કરવા કઇંક surprise વિચારતો હતો..એટલે વિજળી અને ધડાકા લેવા વિદેશ ગયો. સૂરજે મોકાનો ફાયદો ઉઠાવીને હિમની કાન ભંભેરણી ચાલું કરી..એને લાલચ આપી કે એ હિમને મેઘના રુપમાં transform કરી શકે છે..અને જો એમ થાય તો હિમને ધરતી સાથે પ્રણયનો મોકો મળી જશે! હિમ લલચાયો, એની વર્ષોની ઈચ્છા પૂરી થતી દેખાઇ પણ મિત્રોને દગો દેવાનું મન ના માન્યું એટલે એને સૂરજને ચોખ્ખી ‘ના’ સંભળાવી. ‘ના’ સાંભળીને અને પોતાની પોલ ખુલી જવાના ડરથી સૂરજે હિમને મોતની ધમકી આપી અને હિમને વાત માનવી પડી!

બધું નક્કી થયુંને સૂરજે હિમને મેઘમાં બદલ્યો! હિમ મળ્યો ધરતીને મેઘના રુપમાં..ધરતી તો કસમયે આવેલા પ્રિયતમને જોઈને આશ્ર્ચર્યચકિત થઈ પણ મેઘ સાથે વધારે સમય માણવા મળશે એ વાતથી ગેલમાં આવી ગઈ! પણ ધરતીની sixth sense કામ કરી ગઈ! (આખરે એ પણ એક સ્ત્રી જ ને!).. એની સામે હિમની અસલીયત ખુલી પડી ગઇ!
કપરો સમય!
આટલો જૂનો દોસ્ત!
આવો દગો!
હદ છે!
ધરતીએ વાતના મૂળ સુધી જવાનું નક્કી કર્યું..
સૂરજ રંગે હાથ પકડાયો! ધરતી તો રણચંડી બની, સૂરજનું પતન નિશ્ર્ચિત હતું.

સૂરજ અહીં પણ બાજી રમી ગયો..આ પરિસ્થિતિનો ભાસ પહેલેથી જ હતો એટલે એને પહેલેથી જ ચંદુ (મૂળનામઃ ચંદ્રેશ), ધરતીના ભાઈ, ને પોતાના અહેસાનો નીચે દબાવી રાખેલો! ચંદુના સમજાવાથી ધરતી શાંત પડી અને બધો ગુસ્સો અંતરમાં સમાવી લીધો!
ચંદુ હંમેશા double ઢોલકી રહ્યો..અડધો ધરતી બાજું, અડધો સૂરજ બાજું!
હિમને ધરતીએ માફ કરી દીધો..પણ હિમ અને ધરતી ફરી ક્યારેય નજીક ના આવી શક્યા..બન્ને વચ્ચે હંમેશા અંતર રહ્યું..
પણ ધરતીના ઉંડાણમાં આગ હજું ય સળગે છે!

સૂરજ શાંત પડે એમાનો નહોતો! શર્મનાક હારનો બદલો લેવાનો હતો!
કેવી રીતે બદલો લે છે એ જાણવા..રાહ જુઓ..ભાગ-૨!

-આદિત