મૂળ આપણે વડોદરાના..કવિતા લખવાનો શોખ તો યાદ નથી ક્યારથી ચાલું થયો પણ બે વાક્યોને અંતે પ્રાસ બેસાડતા-બેસાડતા કવિતા બનતી ગઈ..ગુજરાતીની પરીક્ષામા નિબંધ વિભાગમાં વચ્ચે વચ્ચે ‘સ્વ-રચિત’ પંક્તિઓ ટાંચવાની આદતે, મારા ગુજરાતીના શિક્ષકે ‘શિઘ્ર કવિ’ નું ઉપનામ આપેલું..ત્યારથી આખી કવીતા લખવાનો આત્મવિશ્ર્વાસ જાગેલો..

‘મરીઝ’ સાહેબની ગઝલોનો દિવાનો છું..’અલી ડોશો’,’જુમો ભિસ્તી’,’અમૃતા’,’મંગુ'(લોહીની સગાઈ) જેવા પાત્રો માત્ર પરીક્ષાના પ્રશ્નોના ઉત્તર તરીકે નહી પણ ભૂતકાળના જાણે સગા-સંબંધી હોય એવુ લાગે છે!

એમ તો ઇન્ડિયા હતો ત્યારે પણ કવિતા લખતો’તો પણ અહી(યુ.એસ.એ.) આવીને વધૂ સારું લખાય છે..કદાચ પ્રબળ બનેલી લાગણીઓ અને અસહાય એકલતાનું એ પરિણામ હશે..!!!

મોટે ભાગે પ્રસંગોપાત કવિતાઓ લખું છું(એટલે કદાચ કવીતામા વચ્ચે વચ્ચે કોઇનૂ નામ તમે વાંચ્યુ જ હશે..અને કેટલીક કવીતા ખાલી એકાદ દાયરા પૂરતી જ સીમિત હશે..જેને ખાલી એમાથી પસાર થઈ ચૂકેલા જ અનુભવી શકે!)..U can visit me at
Facebook
Twitter
Google+

મારા મતે કવિતા/ગઝલ/શાયરી એ શબ્દોની એન્જીનીયરીંગ(Engineering) છે!..જો કોઇ સારા માર્ગદર્શક મળે તો કાવ્ય પ્રકારો પ્રમાણેની રચના કરવા ઉત્સુક છું!

‘ખુશ રહોને આસપાસના બધાને ખુશ રાખો’ એ જ જીવન મંત્ર!

51 thoughts on “મારા વિશે

  1. એ જયમાતાજી ભાઇ,
    કેમ છો? હુ બી.ઇ. કોમ્પ્યુટર એન્જીનીયર છુ.અને આપણે આ એન્જીનીયરીગ વાળા આ લાઇનમા બહુ ઓછા છે.હુ નવલિકા લખુ છુ.બ્લોગની મુલાકાત લેશો.

    -સોહમ રાવલ

  2. અત્યાર સુધી તમારો બ્લોગ નજરમાં કેમ નાં આવ્યો? આજે જ આખો (almost આખો) બ્લોગ વાંચ્યો… ઘણું બધું શીખવા મળશે તમારી પાસેથી…

    Anyways, હવે તો નિયમિત વાચક બની જઈશ…

  3. આદિતભાઈ,
    સુંદર બ્લોગ બનાવ્યો છે. કલમ પણ સરસ ચાલે છે. થોડો છંદ શીખશો તો હજી વધુ સારી રચનાઓ કરી શકશો. બ્લોગજગતમાં હાર્દિક સ્વાગત અને અઢળક શુભેચ્છાઓ.

  4. Hi Adit,
    very good poems.
    What are your plans to reach Hindi audience?

    ગુજરાતી ભારતની રાજ્યભાષા કે રાષ્ટ્રલિપિ?
    http://kenpatel.wordpress.com/

    ગુજરાતી ભાષાનું અસ્થિત્વ તેની સરળ લિપિ જાળવી રાખવામાં,તેનો અન્ય રાજ્યોમાં ફેલાવો કરવામાં અને બીજી ભાષાઓ સાથે કમ્પ્યુટરમાં સરળ અનુવાદરૂપી બનાવવામાં છે. ઈન્ટરનેટ યુગમાં આ ઘણુજ સરળ છે.આપ સર્વે આ સૂચનો ઉપર વિચાર કરો અને પોતાના વિચારો રજુ કરો.

  5. મિત્ર આદિત,
    ઘણી સામ્યતા જોવા મળી તમારા અને મારા મા,
    હું પણ અમેરિકામા માસ્ટર્સ કરું છું,
    ગુજરાતી ભાષાનો પ્રેમી, કવિ, લેખક છું (હા, તમારા બધા જેટલું અદભૂત ના પણ હોય),
    ફોટોગ્રાફર છું,
    ક્યારેક ગીતો લખું છું અને રાગ પણ પોતેજ બનાવું છું,
    બરોડા માં ૪ વર્ષ એમ.એસ. મા એન્જીનીયરીંગ કર્યું એટલે બરોડા જોડે પણ પ્રેમ છે.

    તમારું બધુજ લખાણ ધીરે ધીરે વાંચતો રહીશ અને શીખતો રહીશ. “મરીઝ” ના દીવાના પાસેથી ઘણું શીખવા મળશે એ વાત તો પાક્કી અને હું મારા મંતવ્યો પણ આપીશ જેમાં જરૂરિયાત લાગશે કઈક બોલવાની એમાં.

    સરસ લખતા રેહજો.
    “ગૂડ લક. થેંક યુ ફોર શેરિંગ”

  6. શબ્દોની હરિયાળીમાં ફરવું એ મારી પહેલી પસંદ છે અને આપના શબ્દોમાં કંઇક નવું છે જે તેની તરફ આકર્ષે છે એટલે અહી આવવું ગમશે… લખતા રહેજો.. અમે વાંચતા રહેશું..


    દર્શિત, અમદાવાદ.

  7. આદિતભાઈ આપના બ્લોગ સુધી પહોંચવામાં ખુબ મોડો પડ્યો , પણ ” દેર આયે દુરુસ્ત આયે 🙂 ” .

    સામાન્યત: , મને કવિતામાં ઝાઝી ગતાગમ નથી , પણ આપના માધ્યમથી થોડા ઘણા અમી છાંટણા મને પણ મળશે 🙂 { વરસાદ તો નહિ , પણ ‘સાદ’ તો ખરો જ ને ! }

    અને તમે કે દિવસથી આકાશગંગાને પકડવા લાગ્યા ? બીજું કે , કંઈ હાથ લાગ્યું એમાંથી ? એકાદો નાનો બ્લેક હોલ કે કોઈ ક્વેસાર 🙂 [ from your above image ]

    1. આભાર!
      એમ સાચું કહું તો કવીતામાં મને પણ ઝાઝી સમજ નથી..
      આ તો મને વિચારો ‘પ્રાસ’માં આવે છે! 😛

      [about the image ]હું તો એ બ્લેક હોલમાંથી બહાર નીકળવાનો સતત ને સખત પ્રયત્ન કરું છું! 😀

  8. Welcome અદિત, ગુજરાતી સાહિત્યમાં હવે તમારા જેવા નવયુવાનોની ખૂબ જરૂર છે. હું બ્લોગ પર પણ નિરાંતે વાંચીશ. અત્યારે આટલું જ,… ખૂબ ખૂબ શુભેચ્છાઓ…
    લતા આંટી

  9. આદિતભાઈ,

    આપનો બ્લૉગ જોયો, રચનાઓ વાંચી. એટલું તો તરત ખ્યાલ આવે છે કે તમને કવિતા એટલે શું એનો અંદાજ છે. એ સમજ્યાવગર લખનારાઓથી બ્લૉગજગત ઊભરાય છે ત્યારે આપનો બ્લૉગ જોઈને આશા બંધાય છે. પણ સાથેસાથે એ પણ કહેવું જ રહ્યું કે ઘણી મહેનત કરવાની જરૂર છે. લયસ્તરો જેવી વેબસાઈટ પર હજારો ગુજરાતી કવિતાઓ છે એમનું નિત્ય વાંચન કરશો તો સમજ ઓર ઘડાશે. ગઝલ લખવી હોય તો રઈશ મનીઆર સાહેબનાં ‘ગઝલઃરૂપ અને રંગ’ તથા ‘ગઝલનું છંદોવિધાન’ વસાવી લેજો. અભિનંદન અને શુભેચ્છાઓ!

    1. આભાર! હેમંતભાઇ!
      તમારા તરફથી પ્રોત્સાહન મળ્યું એ જ મોટી વાત છે!
      મેં જેમ ઉપર લખ્યું તેમ છંદોબદ્ધ લખતાં નથી આવડતું, પણ તમારા કહ્યાં પ્રમાણે ચોક્કસ બન્ને પુસ્તકો વસાવી લઇશ અને સુધારવાનાં બનતાં પ્રયત્નો કરીશ.
      મુલાકાત લેતાં રહેજો અને અભિપ્રાય આપતાં રહેજો.
      ફરી એકવાર ખૂબ ખૂબ આભાર!

  10. કદાચ એક જ દિવસ માં આટલી બધી પોસ્ટ્સ એકસાથે me ક્યારેય વાંચી નહિ હોય જેટલી મેં આજે તમારા બ્લોગમાં એન્ટર થયા પછી વાંચી! એક પછી એક વાંચતો ગયો અને કુદી કુદી ને વાહ વાહ બોલતો ગયો… 😀
    ખરેખર ખુબ જ સરસ રચનાઓ લખી છે….. બહુ જ ગમ્યું 🙂

    keep writing 🙂

  11. વાહ્….. આપનો બ્લોગ વાચ્યો …. ખુબ સરસ ગઝલ અને કવિતા ઓ લખી છે …. ને જયારે એમાં પણ આપણને ગમતું હોય એવું કામ કરવા માટે જયારે યોગ્ય પ્લાટ્ફોર્મ મળે ત્યારે ઓર મજા આવે … keep it up … 🙂

  12. વેબગુર્જરી પરથી મનરંગીએ આપનો પરિચય કરાવ્યો. અનુભવો વાંચ્યા, તમારી દેશદાઝ અનુભવી, પણ ટેવાય ગયેલા માટે ગુલામી છોડવી મુશ્કેલ છે… એક જ રસ્તો છે… અંગ્રેજોની જેમ NRI ભારત પર આક્રમણ કરે.
    ગઝલો ગમે છે પણ ફરી ક્યારેક….
    બાકી એક ઝલકમાં પણ મજા આવી.

  13. તમારી અભિવ્યક્તિમાં ભાવ છે, આદિતભાઈ! આપે બ્લૉગ કેમ છોડી દીધો છે? તમે હજી ઘણું કરી શકો છો… ફરી સજ્જ થાવ અને જોડાઈ જાવ.. શુભેચ્છાઓ!
    હરીશ દવે … અમદાવાદ

અભિપ્રાય

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s